నల్లగొండ జిల్లాలో ప్రజా సంఘాల నాయకుల ముందస్తు అక్రమ అరెస్టులను తీవ్రంగా ఖండిస్తున్న ఎస్ఎఫ్ఐ దేవరకొండ డివిజన్ కమిటీ.

​ దేవరకొండ 28జూన్ (BVK 3 న్యూస్ ) : నల్లగొండ జిల్లాలో తెలంగాణ రాష్ట్ర ముఖ్యమంత్రి రేవంత్ రెడ్డి గారి పర్యటన నేపథ్యంలో, ప్రజాస్వామ్యబద్ధంగా తమ నిరసనను తెలియజేయడానికి సిద్ధమవుతున్న విద్యార్థి మరియు ప్రజా సంఘాల నాయకులను పోలీసులు ముందస్తుగా అరెస్టు చేయడాన్ని ఎస్ఎఫ్ఐ దేవరకొండ డివిజన్ కమిటీ తీవ్రంగా ఖండిస్తోంది.
​ఈ సందర్భంగా బుడిగా వెంకటేష్, ఎస్ఎఫ్ఐ దేవరకొండ డివిజన్ కార్యదర్శి మాట్లాడుతూ:
​ప్రజాస్వామ్య దేశంలో తమ సమస్యలను ప్రభుత్వం దృష్టికి తీసుకెళ్లడం, నిరసన తెలపడం ప్రతి పౌరుడి ప్రాథమిక హక్కు అని అన్నారు.
​ముఖ్యమంత్రి పర్యటన సాకుతో తెల్లవారుజామునే నాయకుల ఇళ్లకు వెళ్లి, వారిని బలవంతంగా అదుపులోకి తీసుకుని దేవరకొండ పోలీస్ స్టేషన్‌కు తరలించడం ప్రజాస్వామ్య విరుద్ధమని పేర్కొన్నారు.
​ప్రజా సమస్యల పరిష్కారం కోసం పోరాడుతున్న నాయకుల గొంతు నొక్కడం సరికాదని, ఈ అక్రమ అరెస్టులను వెంటనే ఆపాలని డిమాండ్ చేశారు.
​ప్రభుత్వం ఇటువంటి నిర్బంధ విధానాలను వీడి, ప్రజాస్వామ్య విలువలను గౌరవించాలని ఈ ప్రకటన ద్వారా కోరుతున్నాము.