ప్రపంచ పులుల దినోత్సవం వేడుకలు ఘనంగా నిర్వహణ - దేవరకొండ మోడల్ స్కూల్

దేవరకొండ 29జూలై (BVK 3 న్యూస్ ) : ప్రపంచ పులుల దినోత్సవం (వరల్డ్ టైగర్ డే) సందర్భంగా అటవీ శాఖ ఆధ్వర్యంలో దేవరకొండ ప్రభుత్వ మోడల్ స్కూల్‌లో ఉత్సాహభరిత వాతావరణంలో వివిధ అవగాహన కార్యక్రమాలు నిర్వహించారు. వన్యప్రాణుల సంరక్షణ, ముఖ్యంగా పులుల రక్షణ ఆవశ్యకతపై విద్యార్థులకు అవగాహన కల్పించడంతో పాటు పర్యావరణ పరిరక్షణ సందేశాన్ని చాటిచెప్పారు.
​ఈ కార్యక్రమంలో భాగంగా విద్యార్థులకు వ్యాసరచన పోటీలు నిర్వహించి, విజేతలకు బహుమతులు అందజేశారు. అలాగే పాఠశాల ప్రాంగణంలో 'వన మహోత్సవం' కార్యక్రమంలో భాగంగా మొక్కలు నాటారు. పర్యావరణాన్ని కాపాడుకోవాల్సిన బాధ్యత ప్రతి ఒక్కరిపై ఉందని గుర్తుచేస్తూ విద్యార్థులు డ్రాయింగ్ (చిత్రలేఖనం) పోటీల్లో తమ ప్రతిభను చాటుకున్నారు.ఈ కార్యక్రమానికి ఫారెస్ట్ డివిజన్ అధికారి ( ఎఫ్ డి ఓ ) సంగీత మేడమ్ మరియు డిప్యూటీ రేంజ్ ఆఫీసర్ ( డి వై ఆర్ ఓ ) ఇజాజ్ అహ్మద్ గారు ముఖ్య అతిథులుగా విచ్చేశారు. విద్యార్థులను ఉద్దేశించి వారు మాట్లాడుతూ.. అడవుల సంరక్షణే భూమిపై జీవకోటి మనుగడకు ఆధారమని, పులులు అడవి ఆరోగ్యానికి సూచికలని పేర్కొన్నారు. వన్యప్రాణులను కాపాడుకోవడంలో యువత, విద్యార్థులు భాగస్వాములు కావాలని పిలుపునిచ్చారు.
​ఈ కార్యక్రమంలో దేవరకొండ మరియు కంబాలపల్లి ఫారెస్ట్ సెక్షన్ అధికారులు, బీట్ అధికారులు, పాఠశాల ప్రధానోపాధ్యాయులు, ఉపాధ్యాయ సిబ్బంది మరియు విద్యార్థులు పెద్ద సంఖ్యలో పాల్గొన్నారు.