రాజమౌళికి బాగా నచ్చిన అక్కినేని నాగార్జున సినిమాలు రెండు

దర్శకధీరుడు ఎస్.ఎస్. రాజమౌళికి అక్కినేని నాగార్జున నటించిన చిత్రాల్లో అత్యంత ఇష్టమైన సినిమా ఏదంటే.. ఆయన కెరీర్‌ను మలుపు తిప్పడంలో కీలక పాత్ర పోషించిన సినిమా 'శివ'. రామ్ గోపాల్ వర్మ దర్శకత్వంలో నాగార్జున హీరోగా వచ్చిన ఈ చిత్రం కాలేజీ రాజకీయాలు, సరికొత్త నెరేషన్, రా అండ్ రస్టిక్ యాక్షన్ జోనర్లలో తెలుగు సినిమా చరిత్రలోనే ఒక సరికొత్త ట్రెండ్ సెట్టర్‌గా నిలిచింది. ఇండస్ట్రీలో ఒక క్లాసిక్‌గా పేరు తెచ్చుకున్న ఈ సినిమా మేకింగ్ విధానం అప్పట్లో సంచలనం సృష్టించింది.రాజమౌళిపై 'శివ' సినిమా చూపిన ప్రభావం అనూహ్యం. తాను మొదటిసారి థియేటర్లలో ఈ సినిమా చూసినప్పుడు కలిగిన అడ్రినలిన్ రష్, ఆ ఉత్కంఠను జీవితంలో ఎప్పటికీ మర్చిపోలేనని ఆయన పలు వేదికలపై ఎంతో ఉత్సాహంగా గుర్తుచేసుకున్నారు. ఆ సినిమా చూసిన తర్వాతే తనలోని సృజనాత్మకత మేల్కొని, భవిష్యత్తులో తాను కూడా దర్శకుడు కావాలనే బలమైన కోరిక, స్పూర్తి కలిగిందని రాజమౌళి స్వయంగా వెల్లడించారు. ఇందులోని మేకింగ్, ఎవరూ ఊహించని సైకిల్ చైన్ ఫైట్ వంటి రా అండ్ రస్టిక్ యాక్షన్ సీక్వెన్స్‌లు, సినిమా మూడ్‌ను పూర్తిగా మార్చేసిన విప్లవాత్మక సౌండ్ డిజైన్ వంటి సాంకేతిక అంశాలు తన భవిష్యత్తు మేకింగ్ స్టైల్‌ను విపరీతంగా ప్రభావితం చేశాయని ఆయన ఎన్నోసార్లు కొనియాడారు. చిరంజీవి సినిమా రిలీజైన రోజే నేను చనిపోయినట్లనిపించింది! ఊపిరి కూడా.. ఇదిలా ఉంటే, కేవలం 'శివ' మాత్రమే కాకుండా... నాగార్జున విభిన్నమైన పాత్రలో వీల్‌చైర్‌కు పరిమితమైన కోటీశ్వరుడైన దివ్యాంగుడిగా, నటనకు ఆస్కారం ఉన్న పాత్రలో నటించి మెప్పించిన 'ఊపిరి' చిత్రంలో ఆయన నటనను కూడా రాజమౌళి ప్రత్యేకంగా అభినందించారు. ఆ చిత్రంలో నాగార్జున ఎమోషనల్ పెర్ఫార్మెన్స్‌ను, కార్తీతో ఆయన మధ్య ఉన్న బాండింగ్, స్క్రీన్ ప్రెజెన్స్‌ను ప్రశంసిస్తూ సోషల్ మీడియా వేదికగా తన ఆరాధనను చాటుకున్నారు.