ప్రకృతి పరిరక్షణే లక్ష్యం: శాంతిగూడెంలో వన మహోత్సవం

దేవరకొండ 30జూన్ (BVK 3 న్యూస్ ) :పచ్చని ప్రకృతిని కాపాడటం మనందరి బాధ్యత అని చాటిచెప్పేలా శాంతిగూడెం గ్రామ పంచాయతీలో 'వన మహోత్సవ' కార్యక్రమం నిర్వహించారు. ఈ సందర్భంగా గ్రామ సర్పంచ్ చింతలపూడి భాస్కర్ రెడ్డి మొక్కలు నాటారు.
​ఈ సందర్భంగా సర్పంచ్ మాట్లాడుతూ, పర్యావరణ సమతుల్యత కోసం ప్రతి ఒక్కరూ మొక్కలు నాటాలని, పచ్చదనాన్ని పెంపొందించాలని కోరారు. "ప్రతి ఇంటికీ ఒక మొక్క - ప్రతి ఒక్కరికీ ఒక బాధ్యత" అనే నినాదంతో ఈ కార్యక్రమాన్ని చేపట్టారు.ఈ కార్యక్రమంలో ఈ క్రింది వారు పాల్గొని మొక్కలు నాటారు:
ఉప సర్పంచ్: కోలా రమణమ్మ పిచ్చయ్య
​పంచాయతీ కార్యదర్శి: జున్ను వేణు
​ఫీల్డ్ అసిస్టెంట్: బర్పటి శ్రీను
వీరితో పాటు వార్డు సభ్యులు మరియు గ్రామ పెద్దలు ఈ కార్యక్రమంలో పాల్గొని మొక్కలు నాటి, ప్రకృతిని కాపాడాలని పిలుపునిచ్చారు.