ICMRలో సైంటిస్ట్ ఉద్యోగాలు.. నెలకు రూ.2 లక్షల వరకు జీతం..

కేంద్ర ప్రభుత్వ సంస్థలో ఉద్యోగం చేయాలని భావిస్తున్న అభ్యర్థులకు మంచి అవకాశం వచ్చింది. ఇండియన్ కౌన్సిల్ ఆఫ్ మెడికల్ రీసెర్చ్ (ICMR) పరిధిలోని సెంటర్ ఫర్ రీసెర్చ్ మేనేజ్‌మెంట్ అండ్ కంట్రోల్ ఆఫ్ హీమోగ్లోబినోపతీస్ సంస్థలో సైంటిస్ట్ పోస్టుల భర్తీకి నోటిఫికేషన్ విడుదలైంది. మెడికల్, నాన్-మెడికల్ విభాగాల్లో మొత్తం ఆరు ఖాళీలను భర్తీ చేయనున్నారు. అర్హత కలిగిన భారతీయ అభ్యర్థులు ఆన్‌లైన్‌లో దరఖాస్తు చేసుకోవచ్చు. దరఖాస్తుల స్వీకరణకు చివరి తేదీ జులై 10, 2026.

ఖాళీల వివరాలు

సైంటిస్ట్-సి (నాన్-మెడికల్) – 1 పోస్టు

సైంటిస్ట్-బి (మెడికల్) – 2 పోస్టులు

సైంటిస్ట్-బి (నాన్-మెడికల్) – 3 పోస్టులు

విద్యార్హతలు

సైంటిస్ట్-సి (నాన్-మెడికల్):

గుర్తింపు పొందిన విశ్వవిద్యాలయం నుంచి బయోమెడికల్ సైన్సెస్‌లో మాస్టర్స్ డిగ్రీ లేదా UGC/PCI గుర్తింపు పొందిన ఫార్మ్-డి అర్హత ఉండాలి. సంబంధిత విభాగంలో కనీసం నాలుగేళ్ల అనుభవం తప్పనిసరి.

సైంటిస్ట్-బి (మెడికల్):

MCI/NMC గుర్తింపు పొందిన సంస్థ నుంచి MBBS లేదా దానికి సమానమైన వైద్య డిగ్రీ పూర్తి చేసి ఉండాలి.

సైంటిస్ట్-బి (నాన్-మెడికల్):

బయోమెడికల్ సైన్సెస్‌లో మాస్టర్స్ డిగ్రీ లేదా UGC/PCI గుర్తింపు పొందిన ఫార్మ్-డి అర్హత ఉండాలి. ఈ పోస్టులకు అనుభవం అవసరం లేదు.

వయోపరిమితి

సైంటిస్ట్-బి పోస్టులకు గరిష్ట వయస్సు 35 సంవత్సరాలు

సైంటిస్ట్-సి పోస్టుకు గరిష్ట వయస్సు 40 సంవత్సరాలు

ప్రభుత్వ నిబంధనల ప్రకారం రిజర్వేషన్ కేటగిరీలకు వయోపరిమితిలో సడలింపులు వర్తిస్తాయి.

జీతభత్యాలు

సైంటిస్ట్-సి (లెవల్-11): నెలకు రూ.67,700 నుంచి రూ.2,08,700 వరకు.

సైంటిస్ట్-బి (లెవల్-10): నెలకు రూ.56,100 నుంచి రూ.1,77,500 వరకు.

ఎంపిక విధానం

అభ్యర్థులను ముందుగా విద్యార్హతలు, అనుభవం, వయస్సు తదితర అంశాల ఆధారంగా షార్ట్‌లిస్ట్ చేస్తారు. అనంతరం కంప్యూటర్ ఆధారిత పరీక్ష (CBT), ఇంటర్వ్యూ లేదా రెండింటి ఆధారంగా తుది ఎంపిక ఉంటుంది. పరీక్షలో అర్హత సాధించేందుకు కనీసం 75 శాతం మార్కులు అవసరం.