దేవరకొండ ఆర్డీఓ కార్యాలయంలో ఓటర్ల జాబితా సవరణపై రాజకీయ పార్టీల ప్రతినిధులతో సమావేశం

దేవరకొండ 08జూలై (BVK 3 న్యూస్ ) :దేవరకొండ ఆర్డీఓ కార్యాలయంలో బుధవారం ఎన్నికల ప్రత్యేక సమ్మతి సవరణ (ఎస్ఐఆర్ ) కార్యక్రమంపై రాజకీయ పార్టీల ప్రతినిధులతో సమావేశం నిర్వహించారు. ఈ సమావేశానికి దేవరకొండ ఈఆర్ఓ మరియు ఆర్డీఓ అధ్యక్షత వహించారు.
​ఈ సందర్భంగా ఆర్డీఓ మాట్లాడుతూ... రాబోయే ఎన్నికల దృష్ట్యా ఓటర్ల జాబితా సవరణ ప్రక్రియ పారదర్శకంగా, వేగంగా జరగాలని పేర్కొన్నారు.
ఈ కార్యక్రమంలో భాగంగా :
ఫారాల పూరణ (ఫారం ఫిల్లింగ్ ): కొత్త ఓటర్ల నమోదు, మార్పులు-చేర్పులకు సంబంధించిన ఫారాలను ఏ విధంగా నింపాలి అనే అంశంపై వివరించారు.
​డిజిటలైజేషన్ ప్రక్రియ: ఓటర్ల సమాచార సేకరణలో డిజిటలైజేషన్ ప్రాధాన్యతను, ఆన్లైన్ నమోదు ప్రక్రియను వివరించారు.
​మ్యాపింగ్: పోలింగ్ కేంద్రాల వారీగా ఓటర్ల మ్యాపింగ్ ప్రక్రియ గురించి అవగాహన కల్పించారు.
ఓటర్ల జాబితా తయారీలో రాజకీయ పార్టీల సహకారం ఎంతో కీలకమని, తప్పులు లేని ఓటర్ల జాబితా తయారీకి ప్రతినిధులందరూ సహకరించాలని ఆర్డీఓ కోరారు. ఈ సమావేశంలో వివిధ రాజకీయ పార్టీల ప్రతినిధులు మరియు సంబంధిత అధికారులు పాల్గొన్నారు.